Heydər Əliyevin 100 illiyi qeyd edilib – Gazete Erbil https://gazeteerbil.com Sat, 30 Dec 2023 06:35:39 +0000 tr hourly 1 https://wordpress.org/?v=6.8.5 İstanbulda Türkiyə Cümhuriyyətinin və Heydər Əliyevin 100 illiyi qeyd edilib https://gazeteerbil.com/istanbulda-turkiy%c9%99-cumhuriyy%c9%99tinin-v%c9%99-heyd%c9%99r-%c9%99liyevin-100-illiyi-qeyd-edilib-h52889.html Sat, 30 Dec 2023 06:35:39 +0000 https://1453kralmedya.com/istanbulda-turkiy%c9%99-cumhuriyy%c9%99tinin-v%c9%99-heyd%c9%99r-%c9%99liyevin-100-illiyi-qeyd-edilib-h52889.html

 

 

 

İstanbulda Türkiyə Cümhuriyyətinin və Heydər Əliyevin 100 illiyi qeyd edilib

, 2023

 

 

 

 

İstanbulda Türkiyə Cümhuriyyətinin və Heydər Əliyevin 100 illiyi qeyd edilib

 

 

 

Türkiyənin İstanbul şəhərində Türkiyə Cümhuriyyətinin qurulmasının və müasir Azərbaycan dövlətinin qurucusu, türk dünyasının görkəmli xadimi Heydər Əliyevin anadan olmasının 100 illiyinə həsr olunmuş təntənəli gecə keçirilib.

 

 

 

 

Türkiyə-Azərbaycan Dərnəkləri Federasiyasının (TADEF), “Usuboğlu Group”un, “Gönül Elleri” Dərnəyinin və digər təşkilatların birgə təşkil etdiyi tədbirdə Türkiyə və Azərbaycanla yanaşı, bir sıra digər ölkələrin rəsmi şəxsləri, elm, mədəniyyət, idman, ictimai xadimlər, iş adamları, media mənsubları və digər şəxslər iştirak ediblər.

 

 

 

 

Azərbaycan və Türkiyənin Dövlət himnlərinin səsləndirildiyi tədbirdə hər iki ölkənin ərazi bütövlüyü uğrunda şəhid olanların əziz xatirəsi ehtiramla yad edilib.

 

 

 

Ardınca Türkiyə Cümhuriyyətinə və ümummilli lider Heydər Əliyevə həsr olunmuş videoçarxlar nümayiş etdirilib.

 

 

 

Tədbir iştirakçılarını salamlayan Diasporla İş üzrə Dövlət Komitəsi sədrinin birinci müavini Valeh Hacıyev türk dünyasının dahi şəxsiyyətləri Qazi Müstafa Kamal Atatürkün və Heydər Əliyevin atalarının isminin Əlirza olmasını böyük Yaradanın gözəl lütfü adlandırıb. “100 il ərzində bir çox tarixi hadisələrin şahidi olmuşuq. 100 il ərzində biz güclü Türkiyənin və güclü Azərbaycanın sahiblərinə çevrilmişik. 30 ilə yaxın işğal altında olan Azərbaycan torpaqları tamamilə azad olunub. Prezident, Ali Baş Komandan İlham Əliyev başda olmaqla Azərbaycan Ordusu türkün gücünü bir daha bütün dünyaya göstərdi. Bu gün “bir millət, iki dövlət” deməklə dünyaya iki dövlətin sahibinin türk milləti olduğunu sübut edirik”, – deyə komitə sədrinin birinci müavini vurğulayıb.

 

 

 

Tədbir çərçivəsində Türkiyə Cümhuriyyətinin 100-cü ili münasibətilə “Könül və vəfa borcu” mükafatının Azərbaycanın Milli Qəhrəmanı, general-mayor Polad Həşimova verildiyi açıqlanıb. Mükafat qəhrəmanın anası Səmayə Həşimovaya təqdim edilib.

 

 

 

 

Diasporla İş üzrə Dövlət Komitəsinin adından Serbiyanın Balanslaşdırılmış Regional İnkişaf üzrə naziri Edin Djerlekə, Biruni Universitetinin professoru Lütfü İlqara “Xarıbülbül” döş nişanları, iş adamı, İrəvan əsilli soydaşımız Seval Bahçıvana isə “Xarıbülbül” döş nişanı və Azərbaycan kəlağıyısı hədiyyə olunub.

Təntənəli gecə Azərbaycan və Türkiyə sənətçilərinin təqdim etdiyi konsert proqramı ilə davam edib.

FOTO QALEREYA

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/istanbulda-turkiye-cumhuriyyetinin-ve-heyder-eliyevin-100-illiyi-qeyd-edilib-4028

 

 

 

]]> Sloveniya paytaxtında Heydər Əliyevin 100 illiyi qeyd edilib https://gazeteerbil.com/sloveniya-paytaxtinda-heyd%c9%99r-%c9%99liyevin-100-illiyi-qeyd-edilib-h52384.html Wed, 13 Dec 2023 06:30:42 +0000 https://1453kralmedya.com/sloveniya-paytaxtinda-heyd%c9%99r-%c9%99liyevin-100-illiyi-qeyd-edilib-h52384.html

 

 

 

Sloveniya paytaxtında Heydər Əliyevin 100 illiyi qeyd edilib

, 2023

Sloveniya paytaxtında Heydər Əliyevin 100 illiyi qeyd edilib

Sloveniyanın paytaxtı Lyublyana şəhərində müasir Azərbaycan dövlətinin qurucusu, ümummilli lider Heydər Əliyevin 100 illik yubileyinə və ölkəmizin Zəfər Gününə həsr olunmuş tədbir keçirilib.

 

 

 

Diasporla İş üzrə Dövlət Komitəsinin dəstəyi və Azərbaycan Türk Mədəniyyət Assosiasiyasının təşkilatçılığı ilə baş tutan tədbirdə diplomatik korpusun təmsilçiləri, yerli ictimaiyyətinin nümayəndələri, Azərbaycan və türk icmalarının üzvləri iştirak ediblər.

 

 

 

Qonaqlar arasında Türkiyənin Slovenyadaki səfiri Aylin Taşhan, səfirliyin müşaviri Derin Ersavci, Dünya Türk İş Şurasının Sloveniya şöbəsinin müdiri Mehmet Seyhan Muratoglu, “Yıldız Entegre” şirkətinin Slovenyadaki fabrikinin rəhbəri Adnan Aşkar, “Üzer” holdingin Sloveniya bölümünün rəhbəri Mustafa Kaslı, yerli ictimaiyyətin tanınmış nümayəndələri Aljaž Koželj, Matevž Kovačič, Armin Bektaševic, Elmedina Bektaševic (Bosniya) də olub.

 

 

 

Tədbir Azərbaycan, Türkiyə və Sloveniyanın Dövlət himnlərinin səsləndirilməsi ilə başlayıb.

Azərbaycan Türk Mədəniyyət Assosiasiyasının prezidenti Taleh Qurbanov, vitse-prezidenti Jalə Qurbanova, Türkiyənin Sloveniyadakı səfiri Aylin Taşhan, Avstriya Azərbaycanlıları Cəmiyyətinin sədri Fərid Əzizov, professor Leonardo Benjamin Rizzuto çıxışlarında görkəmli dövlət xadimi Heydər Əliyevin xalqımızın taleyində oynadığı mühüm roldan bəhs ediblər. Bildirilib ki, ulu öndər təkcə Azərbaycan dövləti və xalqı üçün misilsiz xidmətlər həyata keçirməyib, həm də türk dünyasının birliyi və həmrəyliyi naminə mühüm addımlar atıb. Onun Azərbaycanın ərazi bütövlüyünün tam bərpa olunması arzusunun Prezident, Ali Baş Komandan İlham Əliyevin rəhbərliyi ilə gerçəkləşdiyi, hazırda Azərbaycanın regionda əsas söz sahibi olan dövlətə çevrildiyi vurğulanıb.

 

 

 

Tədbir ümummilli liderin 100 illik yubileyinə həsr olunmuş sənədli filmin nümayişi ilə başa çatıb.

FOTO QALEREYA

 

 

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/sloveniya-paytaxtinda-heyder-eliyevin-100-illiyi-qeyd-edilib-3924

 

 

 

 

]]> Qazaxıstanın Türküstan vilayətində Heydər Əliyevin 100 illiyi qeyd edilib https://gazeteerbil.com/qazaxistanin-turkustan-vilay%c9%99tind%c9%99-heyd%c9%99r-%c9%99liyevin-100-illiyi-qeyd-edilib-h46773.html Sat, 24 Jun 2023 07:24:57 +0000 https://1453kralmedya.com/qazaxistanin-turkustan-vilay%c9%99tind%c9%99-heyd%c9%99r-%c9%99liyevin-100-illiyi-qeyd-edilib-h46773.html

Qazaxıstanın Türküstan vilayətində Heydər Əliyevin 100 illiyi qeyd edilib
2023

 

 

 

 

Qazaxıstanın Türküstan vilayətində Heydər Əliyevin 100 illiyi qeyd edilib

 

 

 

 

Qazaxıstanın Türküstan vilayətinin Sayram rayonunun Ağsu kəndindəki Mədəniyyət Evində

Azərbaycanın və türk dünyasının görkəmli dövlət xadimi Heydər Əliyevin anadan olmasının 100 illiyinə həsr olunmuş təntənəli tədbir keçirilib.

 

 

 

 

“Qarabağ” Azərbaycan Etnomədəni Birliyinin təşkilatçılığı ilə baş tutan tədbirdə Azərbaycan Respublikası Diasporla İş üzrə Dövlət Komitəsinin, Qazaxıstan Xalq Assambleyasının, Sayram rayonunun yerli icra və qanunverici orqanlarının, Qazaxıstanın Qarabağ Veteranları Şurasının, müxtəlif ictimai təşkilatların və diasporunun nümayəndələri iştirak ediblər.

 

 

 

 

Tədbir iştirakçılarını salamlayan birliyin sədri Ramilə Mustafayeva dünyanın müxtəlif ölkələrində “Heydər Əliyev İli” çərçivəsində tədbirlər keçirildiyini bildirib. Türküstan vilayətində yaşayan icmamızın və müxtəlif millətlərin ulu öndər Heydər Əliyevin Azərbaycan ilə Qazaxıstan arasında ikitərəfli münasibətlərin inkişafında müstəsna rolundan danışıb.

 

 

 

 

 

Tədbirdə çıxış edən Diasporla İş üzrə Dövlət Komitəsinin şöbə müdiri Vüsal Məmmədov müasir Azərbaycan dövlətinin müstəqilliyinin qorunub saxlanması və möhkəmləndirilməsi, ölkəmizin dinamik inkişafında ümummilli liderin misilsiz xidmətləri barədə geniş məlumat verib. Türk dövlətləri, o cümlədən Qazaxıstanla qardaşlıq və dostluq əlaqələrinə xüsusi önəm verən ulu öndər Heydər Əliyevin xatirəsinin böyük ehtiramla yad edildiyinə görə Komitə sədri Fuad Muradovun adından Türküstan vilayətinin rəhbərliyinə, diaspor və ictimaiyyət nümayəndələrinə minnətdarlıq ifadə edilib.

Komitənin adından yerli ictimaiyyət və diaspor fəallarına xatirə hədiyyələri təqdim edilib.

 

 

 

 

Tədbirin bədii hissəsində Azərbaycan və müxtəlif icmaların yaradıcı kollektivlərinin ifasında milli musiqilər və rəqslər nümayiş etdirilib. “Qarabağ” Azərbaycan Etnomədəni Birliyinin nəzdindəki həftəsonu məktəbin şagirdləri tərəfindən Ümummilli liderin xatirəsinə həsr olunmuş şeirlər səsləndirilib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/qazaxistanin-turkustan-vilayetinde-heyder-eliyevin-100-illiyi-qeyd-edilib-3144

]]> İordaniya paytaxtında Heydər Əliyevin 100 illiyi qeyd edilib https://gazeteerbil.com/iordaniya-paytaxtinda-heyd%c9%99r-%c9%99liyevin-100-illiyi-qeyd-edilib-h46733.html Thu, 22 Jun 2023 12:34:14 +0000 https://1453kralmedya.com/iordaniya-paytaxtinda-heyd%c9%99r-%c9%99liyevin-100-illiyi-qeyd-edilib-h46733.html

İordaniya paytaxtında Heydər Əliyevin 100 illiyi qeyd edilib
, 2023

 

 

İordaniya paytaxtında Heydər Əliyevin 100 illiyi qeyd edilib

 

 

 

İordaniya Haşimilər Krallığının paytaxtı Əmmanda müasir Azərbaycan dövlətinin qurucusu, xalqımızın ümummilli lideri Heydər Əliyevin anadan olmasının 100 illiyi münasibətilə tədbir keçirilib.

 

 

 

 

Ərəb Ölkələri üzrə Azərbaycanlıların Koordinasiya Şurasının İordaniyadakı koordinatoru Zümrüd Dadaşovanın və iordaniyalı tarixçi-yazıçı, Dr. Ömər Armutinin birgə təşkilatçılığı ilə baş tutan tədbirdə ölkə parlamentinin üzvləri, yerli ictimaiyyətin tanınmış simaları və Azərbaycan diasporunun fəalları iştirak ediblər.

 

 

 

 

Dr. Ömər Armutinin Ədəbiyyat və Mədəniyyət Mərkəzində gerçəkləşdirilmiş tədbir İordaniya və Azərbaycanın Dövlət himnlərinin səsləndirilməsi ilə başlayıb.

 

 

 

 

Tədbir iştirakçılarını salamlayan Zümrüd Dadaşova dünyanın görkəmli dövlət xadimlərindən biri olan Heydər Əliyevin həyat və siyasi fəaliyyətindən, Azərbaycanın müstəqilliyinin möhkəmləndirilməsi, ölkələrimiz arasında ikitərəfli münasibətlərin inkişafı, xaricdə yaşayan diasporumuzun bir araya gəlməsi istiqamətlərində müstəsna rolundan danışıb.

 

 

 

 

İordaniya parlamentinin deputatı Dr. Əhməd Aşa’ Duaimeh, keçmiş Baş nazir Dr. Cavad əl-Annani, tarixçi-yazıçı Dr. Ömər Armuti, İordaniyanın Azərbaycandakı keçmiş səfiri Dr. Muaffaq Ajluni, Strateji Araşdırmalar Mərkəzinin rəhbəri Dr. Məhəmməd İssa əl-Ədvan, məhşur iordaniyalı şair Adnan əl-Səudi, İordaniya Universitetinin professoru Dr. Məcdəddin Xəmməş, tədqiqatçı-jurnalist Şakir Həddəd və yazıçı Məhdi əl-Ələmi çıxışlarında Heydər Əliyevin Azərbaycanın ictimai-siyasi, iqtisadi-sosial, hərbi və humanitar sahələrdə həyata keçirdiyi islahatlara, İordaniya kralı Hüseyn ibn Talal ilə şəxsi dostluğuna diqqəti cəlb ediblər. Bu dostluq münasibətlərinin Azərbaycanla İordaniyanın indiki rəhbərləri Prezident İlham Əliyev və Kral II Abdullah tərəfindən uğurla davam etdirildiyi, ölkələrimiz arasında dostluq və əməkdaşlıq əlaqələrinin daha da möhkəmləndirilməsinin önəmi qeyd olunub. Onlar ölkəmiz barədə xoş təəssüratlarını və Heydər Əliyevlə bağlı xatirələrini bölüşüblər.

 

 

 

 

Tədbir Heydər Əliyevə və Azərbaycana həsr olunmuş şeirlərin səsləndirilməsi ilə yekunlaşıb.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:https://diaspor.gov.az/az/news-detail/iordaniya-paytaxtinda-heyder-eliyevin-100-illiyi-qeyd-edilib-3129

]]>