Azərbaycanın Fransadakı səfiri Leyla Abdullayeva – Gazete Erbil https://gazeteerbil.com Tue, 16 May 2023 10:55:13 +0000 tr hourly 1 https://wordpress.org/?v=6.8.5 Parisin “İnsan muzeyi”ndəki sərgidə Ağdam məscidinə diqqət cəlb edilib https://gazeteerbil.com/parisin-insan-muzeyind%c9%99ki-s%c9%99rgid%c9%99-agdam-m%c9%99scidin%c9%99-diqq%c9%99t-c%c9%99lb-edilib-h45321.html Tue, 16 May 2023 10:55:13 +0000 https://1453kralmedya.com/parisin-insan-muzeyind%c9%99ki-s%c9%99rgid%c9%99-agdam-m%c9%99scidin%c9%99-diqq%c9%99t-c%c9%99lb-edilib-h45321.html

 

 

 

Parisin “İnsan muzeyi”ndəki sərgidə Ağdam məscidinə diqqət cəlb edilib
, 2023

Parisin “İnsan muzeyi”ndəki sərgidə Ağdam məscidinə diqqət cəlb edilib

Fransanın paytaxtı Parisdə yerləşən “İnsan muzeyi”ndə (Musee de l’homme) “Plantu-Reza: Fərqli baxışlar” sərgisinin açılışı olub.

Açılış mərasimində Azərbaycanın Fransadakı səfiri Leyla Abdullayeva, yerli ictimaiyyətin tanınmış nümayəndələri, incəsənət xadimləri, media mənsubları və sənətsevərlər iştirak ediblər.

Sərgidə “Plantu” ləqəbli rəssam Jan Planturö və Azərbaycan əsilli məşhur fotoqraf Reza Deqatinin fərqli baxışlarını əks etdirən rəsm və fotolar nümayiş olunur. Bu, monoxrom karikaturalardan və təsirli fotoşəkillərdən ibarət hibrid əsərlərin kəsişdiyi sərgidir. Müəlliflər planetimizdəki sarsıntıların əsl müşahidəçiləri və ifadə azadlığının müdafiəçiləri olaraq bu sərgi vasitəsilə təcrübələrini və dünyaya baxışlarını birlikdə təqdim ediblər.

Mətbuat karikaturaçısı Plantu və fotojurnalist Reza ilk dəfə 2011-ci ildə Kann şəhərində keçirilmiş “Mətbuat karikaturalarının beynəlxalq görüşü”ndə rastlaşıblar.

Müharibə dəhşətlərini, repressiyaları, senzuranı görmüş bu iki şəxsdən biri işgəncələrlə üzləşib, həbs və sürgün həyatı yaşayıb, digəri isə ölüm təhdidləri və hücumlara məruz qalıb.

 

 

 

Sərgidə Reza Deqatinin Ermənistanın Azərbaycana qarşı torpaq iddialarının nəticəsini əks etdirən foto – Ağdam məscidinin fotosu da nümayiş olunur. Bu fotonun haqqında belə məlumat yerləşdirilib: “Ağdamda məscid zamanın və insanların basqınlarına tab gətirən yeganə tikilidir. Ermənistan silahlı qüvvələri tərəfindən işğal olunduğu 30 il müddətdə bu məkan vandalizmə məruz qalmış, məscid mal və donuz tövləsi kimi istifadə edilmişdir. Hər tərəfdə və hər yerdə vurulmuş yaraları sağaltmaq və sülh üçün daha çox çalışmaq qalır. Bu dinc məkan tarixə şahidlik edir. Azərbaycan, 2020”.

Pantu bildirib ki, dostu Rezanın sayəsində Azərbaycanda Qarabağ münaqişəsi ilə daha dərindən tanış ola bilib.

“Plantu-Reza: Fərqli baxışlar” sərgisi cari ilin dekabrın 31-dək davam edəcək.

Qeyd edək ki, Azərbaycan əsilli fransalı fotoqraf Reza Deqati Şuşada keçirilmiş Dünya Azərbaycanlılarının V (Zəfər) Qurultayında iştirak edib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/parisin-insan-muzeyi-ndeki-sergide-agdam-mescidine-diqqet-celb-edilib-2956

 

 

]]> Parisdə 20 Yanvar hadisələri ilə bağlı anım tədbiri təşkil edilib https://gazeteerbil.com/parisd%c9%99-20-yanvar-hadis%c9%99l%c9%99ri-il%c9%99-bagli-anim-t%c9%99dbiri-t%c9%99skil-edilib-h40092.html Wed, 25 Jan 2023 19:45:37 +0000 https://1453kralmedya.com/parisd%c9%99-20-yanvar-hadis%c9%99l%c9%99ri-il%c9%99-bagli-anim-t%c9%99dbiri-t%c9%99skil-edilib-h40092.html

 

 

 

Parisdə 20 Yanvar hadisələri ilə bağlı anım tədbiri təşkil edilib
2023

Parisdə 20 Yanvar hadisələri ilə bağlı anım tədbiri təşkil edilib

Fransanın paytaxtı Parisdə 20 Yanvar – Ümumxalq Hüzn Günü ilə əlaqədar anım tədbiri keçirilib.

Azərbaycanın Fransadakı səfirliyinin və Fransa-Azərbaycan Dialoqu Assosiasiyasının (ADFA) birgə təşkilatçılığı ilə Parisdəki Mədəniyyət Mərkəzində baş tutan tədbirdə diplomatik korpusun, yerli ictimaiyyətin nümayəndələri, Azərbaycan diasporunun üzvləri, elmi tədqıqatçılar, incəsənətin və medianın təmsilçiləri iştirak ediblər.

Tədbirdə çıxış edən Azərbaycanın Fransadakı səfiri Leyla Abdullayeva və UNESCO yanında ölkəmizin daimi nümayəndəsi Elman Abdullayev 33 il öncə – 1990-cı il yanvarın 19-dan 20-nə keçən gecə SSRİ rəhbərliyinin əmri ilə sovet hərbi bölmələrinin Bakıda dinc əhaliyə qarşı törətdikləri hərbi təcavüzdən və qətliamdan danışıblar. İşğalçı qüvvələrin Bakıda və Azərbaycanın digər şəhərlərində davam etdirdikləri hərbi təcavüz nəticəsində 150 mülki şəxsin qətlə yetirildiyi, 744 nəfərin ağır yaralandığı, 841 nəfərin qanunsuz həbs olunduğu, 4 nəfərin isə itkin düşdüyü bildirilib.

Xalqımızın ümummilli lideri Heydər Əliyevin faciənin ertəsi günü – yanvarın 21-də Azərbaycanın Moskvadakı daimi nümayəndəliyində mətbuat konfransı keçirərək, xalqımıza qarşı törədilmiş hərbi cinayəti kəskin şəkildə pislədiyi və bəşəri cinayət adlandırdığı nəzərə çatdırılıb. Azərbaycan tarixinin faciəvi, eyni zamanda, şərəf və qəhrəmanlıq səhifəsi olan 20 Yanvar hadisələrinin xalqımızın müstəqilliyə nail olmaq əzmini daha da gücləndirdiyi vurğulanıb.

Hazırda müstəqil Azərbaycan dövlətinin uğurlu xarici siyasət həyata keçirdiyinə, Vətən müharibəsi dövründə Prezident, Müzəffər Ali Baş Komandan İlham Əliyevin rəhbərliyi ilə rəşadətli Ordumuzun sayəsində ərazi bütövlüyünü bərpa edən dövlətimizin yalnız bölgədə deyil, dünyada sülh, təhlükəsizlik və əmin-amanlığın təmin olunmasına töhfələr verdiyinə və beynəlxalq ictimaiyyət tərəfindən etibarlı tərəfdaş olaraq qəbul edildiyinə diqqət cəlb edilib.

Tədbir 20 Yanvar faciəsindən bəhs edən qısa sənədli filmin nümayişi və klassik musiqi proqramının təqdim olunması ilə davam edib. Fransanın Provans vilayətinin Pauline Viardot Konservatoriyasının professoru Səidə Zülfüqarova (piano) və Fransanın “Ecole Normale de Musique de Paris-Alfred-Cortot” ali musiqi məktəbinin tələbəsi, beynəlxalq müsabiqələr laureatı, Diaspor Gənclərinin III Yay Düşərgəsinin iştirakçısı Ağarəhim Quliyev (fleyta) görkəmli Azərbaycan və dünya bəstəkarlarının əsərlərini ifa ediblər.

Tədbir çərçivəsində fotojurnalist Maya Bağırovanın 20 Yanvar şəhidlərinə həsr olunmuş fotosərgisi nümayiş etdirilib.

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/parisde-20-yanvar-hadiseleri-ile-bagli-anim-tedbiri-teskil-edilib-2210

 

 

]]>