белсенді – Gazete Erbil https://gazeteerbil.com Wed, 15 Mar 2023 19:37:57 +0000 tr hourly 1 https://wordpress.org/?v=6.8.5 Мемлекет басшысы өңірдің белсенді жастарымен кездесті https://gazeteerbil.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d3%a9%d2%a3%d1%96%d1%80%d0%b4%d1%96%d2%a3-%d0%b1%d0%b5%d0%bb%d1%81%d0%b5%d0%bd%d0%b4%d1%96-%d0%b6%d0%b0-h42097.html Wed, 15 Mar 2023 19:37:57 +0000 https://1453kralmedya.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d3%a9%d2%a3%d1%96%d1%80%d0%b4%d1%96%d2%a3-%d0%b1%d0%b5%d0%bb%d1%81%d0%b5%d0%bd%d0%b4%d1%96-%d0%b6%d0%b0-h42097.html

 

 

 

Жаңалықтар
Жұмыс сапарлары
Мемлекет басшысы өңірдің белсенді жастарымен кездесті
2023 жылғы

Батыс Қазақстан облысы, Бөрлі ауданы

 

Мемлекет басшысы Қасым-Жомарт Тоқаев Батыс Қазақстан облысына жұмыс сапары барысында Ақсай қаласындағы Жастар ресурстық орталығында өңірдің белсенді жастарымен кездесті.

Президентпен жүздескен жастар өздерінің жетістіктері туралы айтты. Бөрлі ауданы Успен елді мекеніндегі мектеп-балабақша кешенінің директоры Асылхан Қармысов қалада білім алғанымен, ауылды көркейту үшін туған жеріне оралып, еңбек етіп жатқанын жеткізді.

 

Ақсай қаласындағы №5 мектептің 9-сынып оқушысы Анастасия Золотарь – қазақ тілі мен әдебиеті бойынша өткен бірнеше республикалық байқаудың жеңімпазы. Ол Қазақстан секілді болашағы жарқын елде дүниеге келіп, білім алып жатқанына қуанышты екенін атап өтті.

Түркістан облысының тумасы Диёр Нуруллаев Махамбет Өтемісов атындағы Батыс Қазақстан мемлекеттік университетінде «Серпін» бағдарламасы бойынша жоғары білім алған. Қазір Ақсай қаласының №4 орта мектебінде физика пәнінен сабақ береді. Ол Мемлекет басшысынан моноқалаларды дамыту бағдарламасында жас мамандарды баспанамен қамтамасыз ету мүмкіндігін қарастыруды сұрады.

 

 

 

 

Кәсіпкер Кристина Омельяшко Президентке «Бизнес бастау» бағдарламасымен грант алып, өзінің сүйікті ісін табысты кәсіпке айналдырғаны жөнінде айтып берді. Кристинаның қолынан шыққан тоқыма бұйымдарды жергілікті тұрғындар ғана емес, шетелдіктер де сатып алады.

 

Президент еліміздің болашағы өскелең ұрпақтың қолында екеніне тоқталып, мемлекет еңбекқор жастарға, олардың идеялары мен ұсыныстарына әрқашан қолдау көрсететінін айтты. Сондай-ақ Қасым-Жомарт Тоқаев дарынды жастарға жол ашу керек екенін жеткізді.

Сонымен қатар Президент Ақсайға осыдан 23 жыл бұрын келгенін еске алып, қазір қаланың көркейгенін, көшелері ұқыпты, таза екенін атап өтті.

 

Ақсай қаласындағы Жастар ресурстық орталығы жергілікті тұрғындарға бірнеше бағыт бойынша қызмет көрсетеді. Атап айтқанда, орталықта «Болашақ» коворкинг алаңы, «Аяла» қайырымдылық дүкені жұмыс істейді. NEET санатындағы жастарды жұмысқа орналастырумен айналысатын Жастарға қызмет көрсету орталығы да бар. Орталық мамандары жасөспірімдерге, өмірде түрлі қиындыққа тап болған жандарға психологиялық көмек көрсетеді.

 

 

Кері қайту Кері қайту

kaynak:https://akorda.kz/kz/memleket-basshysy-onirdin-belsendi-zhastarymen-kezdesti-925414

 

 

]]> Мемлекет басшысы «Жаңа адамдар» қозғалысының белсенді өкілдерімен кездесті https://gazeteerbil.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d0%b6%d0%b0%d2%a3%d0%b0-%d0%b0%d0%b4%d0%b0%d0%bc%d0%b4%d0%b0%d1%80-%d2%9b%d0%be%d0%b7%d2%93-h37344.html Wed, 16 Nov 2022 09:14:09 +0000 https://1453kralmedya.com/%d0%bc%d0%b5%d0%bc%d0%bb%d0%b5%d0%ba%d0%b5%d1%82-%d0%b1%d0%b0%d1%81%d1%88%d1%8b%d1%81%d1%8b-%d0%b6%d0%b0%d2%a3%d0%b0-%d0%b0%d0%b4%d0%b0%d0%bc%d0%b4%d0%b0%d1%80-%d2%9b%d0%be%d0%b7%d2%93-h37344.html

 

 

 

 

Жаңалықтар

Астана, Қазақстан

Мемлекет басшысы «Жаңа адамдар» қозғалысының белсенді өкілдерімен кездесті

2022 жылғы

Президент «Жаңа адамдар» жастар қозғалысын құру туралы бастаманы құптап, белсенді жас қазақстандықтарға әрдайым қолдау көрсетететін айтты. Қасым-Жомарт Тоқаев мемлекетті түбегейлі жаңғырту жұмыстары жүргізіліп, Әділетті Қазақстанды құру жөніндегі реформалар жүзеге асырылып жатқанын атап өтті.

– Қазақстан азаматтарының, әсіресе жастардың еңбекқорлық қағидатын ұстануы маңызды. Сырттан көмек күтудің қажеті жоқ. Қазір заман басқа, яғни маңызды шешімдердің уақыты, серпіліс жасайтын сәт. Жастар болмаса, мұнымен кім айналысады? Қазір Илон Масктың тәжірибесі мен өмірлік ұстанымын үлгі ету үрдіске айналды. Иә, ол отбасымен бірге Оңтүстік Африкадан Америка Құрама Штаттарына келді. Өзінің креативтілігінің, батылдығының, өзіне тән ерекшелігінің арқасында «Илон Маск феноменін» қалыптастыра алды. Мұндай мысалдар өте көп. Жақында Мен Нью-Йоркте Американың жоғары оқу орындарын бітіріп, америкалық компанияларға жұмысқа орналасқан жастарымызбен кездестім. Мен оларға: «Біз сіздерді Қазақстан азаматтары деп білеміз. Сіздер – қазақсыздар. Нью-Йорк немесе Еуропа елдері болсын, әлемнің дамушы елдері болсын, қай жерде жұмыс істесеңіз де, қазақ болып қаласыздар» деп айттым, – деді Мемлекет басшысы.

 

Президент жастар өкілдерін толерантты, дамыған қоғамды бірге құруға шақырды. Мемлекет басшысының пікірінше, жастар өзін-өзі ұдайы жетілдіріп, жан-жақты дамытып, тіл үйренуі қажет.

Мемлекет басшысы жауапкершілік мәселесін де қозғады. Президенттің айтуынша, тек жауапкершілігі бар азаматтар ғана өзінің мемлекеті үшін міндеттеме ала алады.

– Абай кезінде «толық адам» деген терең ұғымды енгізді. Абай заманынан оза туды. Ол «толық адам» туралы білім, түсінік, қоғамның қажеттілігі тұрғысынан айтты. Қазір ағылшынша айтылып жүрген «a person of integrity», яғни барлық қарым-қабілеті мен білімі тоғысқан адам дегеніміз осы. Сондықтан біз бәріміз «толық адам», жауапты азамат болуға тырысуымыз керек. Шын мәнінде, біз қоғамымызда тәртіп пен заң үстемдігі культін орнатуға ұмтылуымыз керек. Менің міндетім – еліміздің заңдары әділ болғанын, адамдардың ол заңдарға сенуін қамтамасыз ету. Осы заң аясында қоғамымызда тәртіп болуын талап етеміз, – деп мәлімдеді Президент.

 

 

Қасым-Жомарт Тоқаевтың пікірінше, жастар еліміздің қоғамдық өміріне белсенді түрде араласып, өз ұстанымына берік болып, түрлі идеялар ұсынып, оларды іске асыруға атсалысқаны жөн.

– Белсенді азаматтық әрекет арқылы сіздер, біріншіден, мемлекетке пайда әкелесіздер, екіншіден, өздеріңізді таныта аласыздар. Қалай болғанда да, біз мамандар іріктелетін, сәйкесінше уақыт өте келе мемлекетті басқару жауапкершілігін арқалай алатын өте қабілетті адамдар шығатын ашық қоғамға қарай қадам басып келеміз. Сіздердің араларыңызда келешекте депутат немесе министр болатын, тіпті мемлекетіміздің президенті болатын азаматтар отыр деп ойлаймын, – деді Мемлекет басшысы.

 

Президент сөз соңында «Жаңа Адамдар» жастар ұйымына табыс тіледі.

– Біздің көрнекті ақынымыз Мағжан Жұмабаевтың «Мен жастарға сенемін» деген сөзі бар. Шын мәнінде, мен де жастарға сенемін. Баршаңызды қолдаймын. Расында, біздің елімізге сіздер сияқты белсенді, білімді, көзі ашық, көкірегі ояу жастар керек. Еліміздің болашағы жастардың қолында, – деді Қасым-Жомарт Тоқаев.

Сонымен қатар шарада қозғалыс жетекшілері мен белсенділері Әсел Бәденова, Елдана Кәденова, Ризабек Рашит, Күннұр Болатбек және Дильназ Қапезова сөз сөйледі.

 

 

 

 

 

 

 

 

 

Кері қайту Кері қайту

 

kaynak:https://www.akorda.kz/kz/memleket-basshysy-zhana-adamdar-kozgalysynyn-belsendi-okilderimen-kezdesti-1410504

 

 

 

]]>